كود:
يمشي الفقير وكل شئ ضده
والناس تغلق دونه ابوابها
وتراه مبغوضا وليس بمذنب
ويري العدواة لا يرا اسبابها
حتي الكلاب اذا رات ذا ثروه
خضعت لديه وحركت اذنابها
واذا رات يوما فقبر عابرا
نبحت عليه وكشرت انيابها
وقال الشاعر
ان الدراهم في الاماكن كلها
تكسو الرجال مهابه وجمالا
فهي اللسان لمن اراد فصاحه
وهي السلاح لمن اراد قتالا
الفقر قهر النفس وأذلال محتوم
يسلب عزيز النفس طهر الكرامه .
. كم حر منه ما اهتنا لذة النوم
يلقيه عايش فالكدر والسقامه .
. وكم ناس منه تنجبر تسمع اللوم
لو عمرها ماجات فيها ملامه .
. مافيه رحمه لو على سيد القوم
لا شب نارة وش يطفي ضرامه .
. يحرمك مما تشتهي غصب ملزوم
عله ورا عله وطعنات سامه .
. تبقى ما بين الناس ضايع ومظلوم
كن الفقر ملوي براسك عمامه .
. ياخوك بين لي به الفقر مهموم
لو مر دربن معتليه الغمامه .
. استغفر الله تنكشف عنه لغيوم
ألين نار الشمس تحرق عظامه .
. وان مر ربعه قاصد اخبار وعلوم
ابصم بعشري مايردو سلامه .
. منبوذ مابين الخلايق ومذموم
ماله في اوساط العشاير أقامه .
. حتى رعابيب الحسن لو بغى يوم
لا ما يبنه لو يشفن اهتمامه .
. حظه معثر قرب أو بعد الزوم
كن المشاكل مغرمه في غرامه .
. تلقاة من كثر العنا دوم مصدوم
الهم شربه والمصايب طعامه .
. لا ويش ذنبه دامه الفقر مقسوم؟؟
مكتوب له من قبل يخلق عظامه .
. مافي يدة حيله على أمر محسوم
لكن تفكير البشر صدق ... طامه .
. والا الرجل ياللي عن العيب محشوم
ينقاس في طيبه وطروة كلامه .
. مش من غدا مريش ولو كان معدوم
من الطباع اللي تخص الشهامه .
. نقول عنه شخص فارس وزيزوم
وننصبه... لو ما درى بالزعامه .
. واللي به اوصاف الرجوله وموسوم
باخلاق ترفع دايمأ من مقامه .
. نقول عنه شخص ضايع ومشئوم
والسب نقص المال نعطب حسامه .
. تبت يداة الفقر لا صار مزعوم
أنه لملاكه جعلهم علامه .
. حتى لو انه بعضهم كفر الصوم
عند الملا.. لا ماتناقص جرامه .
. ياهل العقول النيرة حق معلوم
مدام شي واضح على الناس عامه .
. لتقارنون احرار شقرا مع البوم
عمر الفقر.. ماهان راع الكرامه .
. يبقى الاصيل ولو من المال محروم
اصيل شامخ لين يوم القيامه .
الشاعر محمد علوي عبدالله
(الفقر).لذه.في.عيون.الهوامير.
شوفو.وشلون.بفقرنا.شاركونا.
,,,,*
.دينارهم.يستنسخونه.دنانير.
ولو.هو.طلبناهم.ماعطونا.
,,,,*
حسرة.قليل.المال.بكفوفهم.غير.
ولو.هو.ذهب.يمدي.خذوه.وخذونا.
,,,,*
الله.لايجزى.هاك.الطالع.بخير.
اللي.عليه.بعافيتنا.حسدونا.
,,,,*
تجمعت.شرابة.الماء.على.البير.
ياحليل.عنه.الجماعه.حدونا.
,,,,*
جونا.(شتات.أصفر).تلقفهم.الطير.
بلوى.ياليت.بشرهم.مابلونا.
,,,,*
طاوع.معاهم.من.لقى.دهنة.السير.
والا.وش.اللي.سكته.يوم.جونا.
,,,,*
ذقنا.على.يديهم.*هوان.المشاوير*.
ظيعهم.الله.مثلما.ظيعونا.
,,,,*
وش.صار.وش.بعد.باقي.يصير.
يافاهمين.السالفه.فهمونا.
,,,,*
المش.كله.ياحبنا.للمعاذير.
والناس.وصلو.للقمر.وسبقونا.
,,,,*
دايم.نسوي.للخيانات.تبرير.
والظاهر.الخاين.طلع.كل.أبونا.
الشاعر عبدالرحمن الشمري
الشاعر حمد بن هادي المسردي القحطاني
شبح يطاردني ولا ادري وين بالاقي المفر
اهرب واحاول ابعده عني وهو بعدي يسير
يعذب قلوب الصبا يدمر احلام الصغر
يمزق اعروق الامل ويعسر الدرب اليسير
شبح تجبر في دموع اطفال في عمر الزهر
وثيابهم رثه بدون ازرار في العيد الكبير
وابوهم المسكين بين انياب همه منكسر
وعيال جيرانه امامه يلبسون اجمل حرير
شبح يهدد شاب اعزب عوده الراوي ضمر
بدت تجاعيد الجبين تشوه الوجه المنير
يرى ندا عمره على رمضاء اشواق انهمر
ولا معاه الا النظر للورد او شم العبير
شبح منعني عالج امي يوم زاد بها الضرر
اشوفها تبكي الم وتعظ اطراف الحصير
وتجر خيتم عرسها ودموعها مثل المطر
واخر ابوس اقدامها واصيح يمه ويش اصير
الله يصيب الفقر ليت الفقر يتحول بشر
باموته جوع وعطش كي يشعر بجوع الكثير
ويلاه من ليله بكت عيني من سيوف القدر
ويلاه من ضحكة غني تعبث بدمعات الفقير
الشاعر طلال العولقي