قصائد ليبية لعيد الام 2014 , اشعار ليبية عن الام 2014
-
Dreambox-Sat
2014-03-12 -
لاقبل قالوا لاهناك بعدهاـــــــــــــــــــ وتسمر علي شانك الليل وحدها
لاهناك مثيلها ـــــــــــــــــــ ولاهناك فالدنيا حنان بديلها
تفرج عليك الهم كي تحكيلها ـــــــــ وما من ادبارة خير كي تنشدها
وتمسح ادموعك وين ما تشكيلهاــــ وكان قلت يام تنوض من مقعدها
وكي تلحضك حاير ايحير دليلهاــــــــــ ليلة ارقاد الناس ما ترقدها
******************************************
هي المحنه ـــــــــــــــــــــــــ ــــــــــــــــــــ وهي العطف كله من اخلاف امنه
انكان غبت تسمعها اوليدي كنه ـــــــــــ تكابي بطول الليل في مرقدها
وهي اللي ارضاها من رصيد الجنه ـــــــ لوكان موش شرك انقولك تعبدها
الي منانه ـــــــــــــــــــــــــ ـــــــــــــــــــــــــ ـ وهي الود كله منبته و مكانه
وهي اللي معاها ما اتجيك خيانه ــ ارضاتا ارضاك وكل شي يسعدها
تفرح معا فرحك وهي زعلانه ــــــــــــــــــــــ وتشكر نباك وشينتك تجحدها
***********************************************
هي العطوفه ـــــــــــــــــــــــــ ـــــــــــــــــــــــ علي كل غايب لاحقتا خوفه
وهي اللي تمشي كل حد بضروفه ـــــــــــ كي زوجها كي البنت كيف ولدها
هي اللي صبايه ـــــــــــــــــــــــــ ــــــــــــــــ حتي كيف تزعل للخلا بكايا
وان حقت العيب تقول عنه هايه ـــــــــــــــــ وايجن اوقات ميعاد العرب يطردها
************************************************
هى اللى وداده ـــــــــــــــــــــــــ ــــــــــــــــــــــ على كل غايب م العرب نشاده
ديمه اتشل أحمول فوق العاده ــــــــــــــــــــــــ ويجن أوقات ماتلقى اللى يسندها
هى اللى لولاها ـــــــــــــــــــــــــ ـــــــــــــــــــ مايسير فى الدنياعماربلاها
يلتمن أهموم الناس فى سباها ـــــــــــــــــ مامن بعيده بالنسب تعقدها
هى اللى لوريتا ـــــــــــــــــــــــــ ـــــــــــــــــــ تقول مرحبا ع الحال لان لاقيتا
وتواطى على شانك طرايق بيتا ــــــــــــــــ يوم ميتك والناس ماتنقدها
**********************************************
مافيه والى كيفا ـــــــــــــــــــــــــ ـــــــــــــــــ ولافيه هيف ايجيك يشبه هيفا
حتى كيف تلحظ فى منامك طيفا ــــــــــــ تصبح سعيد وعيشتك حامدها
مهما يجود الشعر فى توصيفا ـــــــــــــــــ وتجمع جميع الناس وتمجدها
ما يقدروا ضني على تشريفا ـــــــــــــــــ شياله عمار الكون فى مثودها
جديد جديد**Eutelsat W3A @ 7° East
صور سيارة بيجو 408 لعام 2014 الشكل الجديد
من اخبار الفضئيات على النايل سات والعرب سات
أسعار الذهب في قطر اليوم الاربعاء 26-3-2014
مجانا ، تردد جميع القنوات الناقلة لمباريات كأس العالم في البرازيل 2014
جديد على مدار Astra 1G (31.5E)
حكم وأمثال مكتوبة عن العزة والشرف 2015
صور ميراندا كير في عرض ازياء Dosso Dossi في أنطاليا تركيا
- « كود كول تون أغنية الواد اللو دنيا سمير غانم 2014 موبنيل Call Tone | أسعار سيارات بورش في مصر مارس 2014 »
Powered by vBulletin® Copyright ©2000 - 2024, Jelsoft Enterprises Ltd.
