لو اني رئيس واحكم الناس
اشمرة الكرسي واكعد عالحصيرة
شكو واحد سياسي يقود بغداد
بدل نوط الشجاعه انشدلة غيرة
مو كل وحدة اميرة تصير بالكات
بس بغداد اتوجها الاميرة
على الطيبين افتر عدنة طيبين
جبيرة كلوبهم لكن فطيرة
اضربلك مثل ماضن يميزون
صوت الباب من صوت الذخيرة
لو اني رئيس واحكم الناس
ما خلي مواطن يشكي من جوع
واخصص يوم واحد للشارعين
بس عيد اليتامة يطول سبوع
لو اني رئيس واحكم الناس
ما اخلي الشباب تريد تعيين
واول شي اسوي عيوني حراس
واكعد البرلمان ابيت من طين
حتة يحس شعبنة شلون جوعان
ينام بلا عشة وتغدى بالدين
لو اني رايس بكل لقائات
بدل كل فيل اطيرلكم حماماات
واريد الناس اليه تصير حراس
ما اريد المصفح والحمايات
رجاءا الي يرشح يكون معروف
ليدكدك على الحائط شعارات
وزارة بلا وزير والشعب محتار
كل سبوع عدنة احنة انتخابات
شفايتلي رئيس واحكم الناس
واوصل للسياسيين شغلات
واكلهم ادري متحسوون بالضيم
شعبكم شاف موت من الحصارات
اكو واحد طفل بس هوة جوعان
اول ما اكل من الفرح مات
LinkBack URL
About LinkBacks